लघुवित्त तथा सहकारी क्षेत्रमा देखिएका समस्या समाधानका लागि पहल गरिरहेको छु : प्रचण्ड
काठमाडौं । प्रधानमन्त्री पुष्पकमल दाहाल ‘प्रचण्ड’ले लघुवित्त तथा सहकारी क्षेत्रमा देखिएका समस्या समाधानका लागि सरकारले आवश्यक पहल गरिरहेको बताउनु भएको छ ।
लघुवित्त र सहकारी पीडितका प्रतिनिधिलाई सिंहदबारमा बोलाएर छलफल गर्दै उहाँले चाँडै लघुवित्त र सहकारी समस्या समाधान गरिने विश्वास दिलाउनु भएको छ ।
उहाँले लघुवित्त र सहकारी क्षेत्रले विगतमा ग्रामीण तथा विपन्न वर्गका नागरिकका लागि कर्जा प्रवाह र व्यवसाय सञ्चालनमा सहयोग गरेको भए पनि पछिल्लो समय यो क्षेत्र सङ्कटग्रस्त हुँदै गएको उल्लेख गर्दै सरकारले समस्या समाधानका लागि आवश्यक पहल गरिरहेको बताउनु भएको हो । प्रधानमन्त्रीले जिम्मेवारीपूर्वक समस्या समाधानकालागि पहल गर्नु सबैको साझा जिम्मेवारी भएको बताउनु भएको छ ।
छलफलमा पीडित पक्षका प्रतिनिधिले सहकारी र लघुवित्तका समस्या सम्बोधनका लागि सरकारका तर्फबाट भइरहेको पहलका निम्ति धन्यवाद दिँदै छिटो समस्या समाधानका निम्ति प्रधानमन्त्रीको ध्यानाकर्षण गराएका थिए ।
Recent News
-
February 2, 2025इरानद्वारा नयाँ ब्यालेस्टिक क्षेप्यास्त्र प्रदर्शन
-
February 2, 2025शेयर बजार ६९ अङ्कले बढेर २७ सय विन्दुमा पुग्यो
-
February 2, 2025नेपाल नेदरल्यान्ड्ससँग फेरि पराजित
