विश्वकप क्रिकेट लिग–२ : नामिबियासँगको खेलमा नेपालले टस हार्यो, ब्याटिङ गर्दै
काठमाण्डाै । आईसीसी विश्व कप क्रिकेट लिग–२ को तेस्रो खेलमा आज नामिबियासँग खेल्न लागेको नेपालले टस हारेको छ ।
कीर्तिपुरको त्रिवि क्रिकेट मैदानमा टस जितेर नामिबियाले पहिला फिल्डिङ रोजेको छ । अहिले सवा ९ बजेदेखि शुरु हुने खेलमा नेपालले पहिला ब्याटिङ गर्दैछ ।
नेपालले टोलीमा आज करण केसीलाई समेटेको छ । गुलशन झाको ठाउँमा केसी समेटिएका हुन् । यसअघि भएको पहिलो खेलमा नेपाल नामिबियासँग ४ विकेटले पराजित भएको थियो । आफ्नो दोस्रो खेलमा नेपालले नेदरल्यान्ड्सलाई ९ विकेटले हराएको थियो ।
नामिबिया र नेदरल्यान्ड्सबीच अस्ति सोमवार भएको खेलमा नेदरल्यान्ड्स विजयी भएको थियो । एकदिवसीय अन्तर्राष्ट्रियमा नेपाल र नामिबियाबीच अहिलेसम्म ७ वटा खेल भएका छन् । नेपाल २ खेलमा विजयी र ४ खेलमा पराजित हुँदा एउटा खेल नतिजाविहीन भएको छ ।
Recent News
-
February 2, 2025टाइगर कप भलिबल: महिलातर्फ एपीएफ पराजित, उपाधि आयोजक टोलीलाई
-
February 2, 2025नेदरल्यान्ड्सले नेपाललाई दियो १ सय ४१ रनको लक्ष्य
-
February 2, 2025नेपालसँगको खेलमा नेदरल्यान्ड्सले टस जितेर ब्याटिङ गर्दै
-
February 2, 2025सिमसार क्षेत्रको संरक्षणका लागि सरकार प्रतिवद्ध छ: वनमन्त्री ठकुरी
-
February 2, 2025यातायात व्यवस्था विभागमा झन्डै २८ लाख लाइसेन्स छाप्न बाँकी
-
February 2, 2025विचार र दृष्टिकोण नभएकाले समाज बनाउन सक्दैनन् : प्रदीप ज्ञवाली