पाल एसीसी वुमन्स प्रिमियर कप क्रिकेटको क्वार्टरफाइनलमा प्रवेश
काठमाण्डौ । कीर्तिमानी जित सहित नेपाल एसीसी वुमन्स प्रिमियर कप क्रिकेटको क्वार्टरफाइनलमा प्रवेश गरेको छ ।
आज (मंगलबार) माल्दिभ्समाथि २ सय १४ रनको कीर्तिमानी जित निकाल्दै नेपालको महिला टिमले अन्तिम ८ मा स्थान बनाएको हो ।
रुबिना क्षेत्रीको १ सय १८ रनको सतकीय इनिङ्समा नेपालले ४ विकेटको क्षतीमा २ सय २७ रन बनाएको थियो । महिला टी ट्वान्टी क्रिकेटको इतिहासमा रुबिनाले पहिलो शतक बनाउँदा पुजा महतोले ५९ रनको शानदार इनिङ्स खेलेकी थिईन । सिता राना मगरले १५ र कबिता कुँवरले १३ रन बनाएकी थिईन् ।
जवाफी ब्याटिङमा उत्रिएको माल्दिभ्स १३ दशमलव ५ ओभरमा १३ रनमा समेटियो । नेपालका लागि अश्मिना कर्मचार्यले ४ विकेट र पुजा महतो र रुबिना क्षेत्रीले समान ३ विकेट लिएपछि नेपालले माल्दिभ्समाथि ऐतिहासिक जित निकालेको हो । नेपालले समूह चरणका तीन वटै खेलमा जित निकाल्दै समूह विजेता बनेर क्वार्टरफाइनल प्रवेश गरेको हो । नेपालले समूह चरणमा माल्दिभ्स सहित भुटान र हङकङलाई हराएको थियो ।
Recent News
-
February 2, 2025८ वर्षीया आकृति पाण्डेको बालकथा संग्रह द स्प्राउटिङ स्टोरीज लोकार्पण
-
February 1, 2025मोन्टी देसाईको कार्यकाल सकियो
