पुलिससंग सुदूरपश्चिम ७८ रनले पराजित
काठमाण्डौ । प्रधानमन्त्री कप राष्ट्रिय क्रिकेट प्रतियोगितामा नेपाल पुलिस क्लबले सुदूरपश्चिम प्रदेशलाई हराएको छ ।
मूलपानीमा आज (बिहीबार) भएको खेलमा पुलिसले सुदूरपश्चिमलाई ७८ रनले हराएको हो । पुलिसले दिएको १ सय ९९ रनको लक्ष्य पछ्याएको सुदूरपश्चिम ३७ ओभर १ बलमा १ सय २० रनमा अल आउट भयो । सुदूरपश्चिमका गजेन्द्र बोहराले सबैभन्दा धेरै ३० रन बनाए । पुलिसका कप्तान दीपेन्द्रसिंह ऐरीले ७ विकेट लिए ।
यसअघि टस जितेर ब्याटिङ गरेको पुलिस ४७ ओभर ५ बलमा १ सय ९८ रन बनाउँदा अल आउट भयो । पुलिसका शङ्कर रानाले ४६ र दीपेन्द्रसिंह ऐरीले ४४ रन बनाए । सुदूरपश्चिमका शेर मल्लले ३ विकेट लिए ।
प्रतियोगितामा पुलिसको यो लगातार नवौँ जित हो । पुलिस यसअघि नै फाइनलमा पुगिसकेको छ । सुदूरपश्चिमले ८ अङ्क जोड्दै प्रतियोगिताबाट बाहिरीएको छ ।
Recent News
-
February 1, 2025पेट्रोल, डिजेल र मट्टीतेल तथा हवाई इन्धनको मुल्य बढ्यो
-
February 1, 2025अमेरिकामा फेरि उडान भरेको ३० सेकेण्डमै अर्को जहाज दुर्घटना
