रामेछापको सदरमुकाम मन्थलीमा दुई महिनाका लागि निषेधाज्ञा जारी
काठमाण्डौ । प्रमुख जिल्ला अधिकारी अनीता निरौलाले रामेछापको सदरमुकाम मन्थलीमा हिजो (आइतबार) देखि लागू हुने गरी दुई महिनाका लागि निषेधाज्ञा जारी गर्नुभएको हो । उहाँले जिल्ला सुरक्षा समिति रामेछापको सिफारिसको आधारमा स्थानीय प्रशासन ऐन (संशोधन सहित), २०२८ बमोजिम निषेधाज्ञा जारी गरेको बताउनुभएको छ ।
निषेधाज्ञामा मन्थलीबजारमा रहेको राष्ट्रिय वाणिज्य बैङ्कदेखि जिल्ला प्रशासन कार्यालय हुँदै कृषिविकास बैङ्क जाने सडक र त्यस सडकको ५० मिटर वरपरको क्षेत्रमा दुई महिनासम्मका लागि कुनै पनि प्रदर्शन गर्न निषेध गरिएको छ ।
प्रशासनले हचुवाको भरमा निषेधाज्ञा जारी गरेको भन्दै यसको चौतर्फी आलोचना भइरहेको छ । प्रशासनले निकालेको निषेधाज्ञाको सूचनामा पाँच जनाभन्दा बढी व्यक्ति भेला भइ जुलुस, प्रदर्शन, धर्ना, घेराउ, अनसन, घेराउ, सभा जस्ता आन्दोलन वा विरोधका कार्यक्रम ,झैझगडा, मुठभेड एवं भिडन्त भइ शान्ति सुरक्षा भङ्ग गर्न नपाइने उल्लेख छ ।
Recent News
-
February 1, 2025अमेरिकामा फेरि उडान भरेको ३० सेकेण्डमै अर्को जहाज दुर्घटना
-
February 1, 2025त्रिदेशीय महिला टी–२० क्रिकेटमा नेपालले आज थाइल्याण्डसँग खेल्दै
