प्रधानमन्त्री कप क्रिकेटमा पुलिसकाे लगातार छैटाैँ जित
काठमाण्डाै । प्रधानमन्त्री कप राष्ट्रिय क्रिकेट प्रतियोगितामा नेपाल पुलिस क्लब लगातार छैटौँ खेलमा विजयी भएको छ ।
कीर्तिपुरमा आज भएको खेलमा पुलिसले कर्णाली प्रदेशलाई छ विकेटले हरायो । कर्णालीले दिएको १ सय ७२ रनको लक्ष्य नेपालले २३ ओभर ४ बलमै भेटायो । पुलिसका दिलिप नाथले नट आउट ७५, कुशल भुर्तेलले ४३, कप्तान दीपेन्द्रसिंह ऐरीले ३४ रन बनाए । कर्णालीका प्रकाश जैशीले २ विकेट लिए ।
यसअघि टस जितेर ब्याटिङ गरेको कर्णाली ४२ ओभर ५ बलमै १ सय ७१ रनमा अल आउट भयो । कर्णालीका निश्चल रावलले ५०, कप्तान रविन्द्र शाहीले ४० रन बनाए । पुलिसका सागर ढकालले ३, ललित भण्डारीले २ विकेट लिए । पुलिस १२ अङ्कसहित तालिकाको शीर्ष स्थानमा यथावत् छ । कर्णाली छ अङ्कसहित सातौँ स्थानमा छ ।
Recent News
-
November 29, 2024कोशी, बाग्मती र गण्डकी प्रदेशका पहाडी भेगमा आंशिक बदली
-
November 29, 2024उपचुनाव , मौन अवधि शुरू, उल्लङ्घन गरेमा तत्काल कारबाही हुने
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
