चीनमा आगलागी हुँदा ३९ जनाको मृत्यु
पूर्वी चीनको जियाङ्सी प्रान्तको सिन्यु सहरमा एउटा भवनमा आगलागी हुँदा ३९ जनाको मृत्यु भएको छ । अरू नौजना घाइते भएका स्थानीय अधिकारीहरूले बताएका छन् । बुधबार दिउँसो करिब ३ बजेदेखि आगलागी भएको थियो । आगो राति ९ बजे मात्र पूर्ण रूपमा निभाइएको थियो । घाइतेमध्ये आठजनाको अवस्था स्थिर रहेको बताइएको छ ।
६ तले व्यावसायिक र आवासीय इँटा–कंक्रिट संरचनाको तहखानेबाट आगलागी सुरु भएको हो । बेसमेन्टभित्र रहेको शीत भण्डारको मर्मतका निम्ति कामदारले गैरकानुनी रूपमा आगो प्रयोग गर्दा आगलागी भएको प्रारम्भिक अनुसन्धानबाट खुलेको छ । सो घटनाको अनुसन्धानका क्रममा सुरक्षा अधिकारीले १२ व्यक्तिलाई हिरासतमा राखेका छन् । सिन्ह्वा/न्युज एजेन्सी नेपाल
Recent News
-
November 29, 2024कोशी, बाग्मती र गण्डकी प्रदेशका पहाडी भेगमा आंशिक बदली
-
November 29, 2024उपचुनाव , मौन अवधि शुरू, उल्लङ्घन गरेमा तत्काल कारबाही हुने
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
