युक्रेनी युद्धबन्दी बोकेको रुसी जहाज दुर्घटना हुँदा ७४ जनाको ज्यान गयो
युक्रेनका राष्ट्रपति भ्लादिमिर जेलेन्स्कीले रुस र युक्रेनको सीमामा हिजो भएको विमान दुर्घटनापछि रुसले ’युक्रेनी कैदीहरूको जीवनसँग खेलवाड गरेको’ आरोप लगाउनुभएको छ ।
जेलेन्स्कीले रुसीहरूले युक्रेनी कैदीहरूको जीवन, उनीहरूका आफन्तहरूको भावना र समग्र युक्रेनसँग खेलिरहेको आरोप लगाउनुभएको हो । उहाँले युक्रेनको सीमा नजिकै बेल्गोरोड क्षेत्रमा हिजो भएको विमान दुर्घटनाको अन्तर्राष्ट्रिय छानबिनको माग गर्नुभएको छ ।
रुसी संसद्का सदस्य आन्द्रेई कार्तापोलोभले भने दुर्घटना भएको विमानमा ३ वटा मिसाइल ठोक्किएको दाबी गर्नुभएको छ । रुसी रक्षा मन्त्रालयका अनुसार हिजोको दुर्घटनामा जहाजमा रहेका सबैको ज्यान गएको छ।
जहाजमा रहेका ६५ जना युक्रेनी युद्धबन्दीहरू, ६ जना रुसी चालक दलका सदस्य र ३ जना सुरक्षागार्ड गरी सबै ७४ जनाकै ज्यान गएको बीबीसीले जनाएको छ । युक्रेनी युद्धबन्दीलाई रुसी सेनाको बदलामा सट्टापट्टाका लागि लगिएको हुनसक्ने खबरमा उल्लेख छ ।
Recent News
-
November 29, 2024उपचुनाव , मौन अवधि शुरू, उल्लङ्घन गरेमा तत्काल कारबाही हुने
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
