प्रधानमन्त्री कप क्रिकेटमा बाग्मतीले आर्मीलाई पराजीत
काठमाण्डौ । प्रधानमन्त्री कप एकदिवसीय राष्ट्रिय क्रिकेट प्रतियोगितामा बाग्मती प्रदेशले त्रिभुवन आर्मी क्लबलाई हराएको छ ।
बुधबार भएको खेलमा बाग्मतीले आर्मीलाई ३ विकेटले हरायो । आर्मीले दिएको ९८ रनको सामान्य लक्ष्य बाग्मतीले २२ ओभर १ बलमा ७ विकेट गुमाएर भेटायो । बाग्मतीका अशोक पौडेल र प्रतिज जीसीले समान २१ रन बनाए । आर्मीका सोमपाल कामीले ३ विकेट लिए ।
मूलपानी क्रिकेट मैदानमा टस जितेर ब्याटिङ गरेको आर्मी २७ ओभर १ बलमा ९७ रनमा अल आउट भयो । आर्मीका कप्तान विनोद भण्डारीले सर्वाधिक २८ रन बनाए । बाग्मतीका सूर्य तामाङले ५ विकेट लिए ।
यो जितसँगै बाग्मती ४ खेलमा ४ अङ्क जोड्दै तालिकाको चौथो स्थानमा उक्लिएको छ । आर्मी २ खेलमा २ अङ्कसहित पाँचौँ स्थानमा छ ।
Recent News
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
