असिष्टेन्ट सबइन्जिनियरविरुद्ध विशेष अदालतमा भ्रष्टाचार मुद्दा दायर
काठमाण्डौ । अख्तियार दुरुपयोग अनुसन्धान आयोगले काठमाण्डौको चन्द्रागिरि नगरपालिका–१४ वडा कार्यालयमा कार्यरत असिष्टेन्ट सबइन्जिनियर विरुद्ध भ्रष्टाचार मुद्दा दायर गरेको छ ।
अख्तियारका सहायक प्रवक्ता देवीप्रसाद थपलियाले असिष्टेन्ट सबइन्जिनियर विजय लक्ष्मी पन्तविरुद्ध आज (आइतबार) विशेष अदालत काठमाण्डौमा भ्रष्टाचार मुद्दा दायर गरेको जानकारी दिनुभयो ।
भवन निर्माण सम्पन्न भएको प्रमाणपत्र दिने क्रममा सेवाग्राहीसँग घुस माग गरेको भन्ने सूचना एवम् उजुरीका आधारमा अख्तियारको टोली पन्तलाई सेवाग्राहीबाट २५ हजार रुपियाँ घुस लिइसकेको अवस्थामा नियन्त्रणमा लिएको थियो । पन्तविरुद्ध २५ हजार रुपियाँ बिगो कायम गरी भ्रष्टाचार निवारण ऐन बमोजिम विशेष अदालत काठमाण्डौमा आरोपपत्र दायर गरेको सहायक प्रवक्ता थपलियाले जानकारी दिनुभयो ।
Recent News
-
November 28, 2024प्रधानमन्त्रीसमक्ष सूचना आयोगको १६ औँ वार्षिक प्रतिवेदन पेस
-
November 28, 2024सुनको भाउ आज तीन सय रुपैयाँले घट्यो
-
November 28, 2024सुनको मुल्य आज ३ सय रुपैयाँले घट्यो
-
November 28, 2024जुम्ला साक्षर जिल्ला घोषणा
