जिल्ला अदालत काठमाण्डौबाट फरार भएका थुनुवा पक्राउ
काठमाण्डौ । जिल्ला अदालत काठमाण्डौ परिसरबाट हतकडीसहित फरार भएका थुनुवा पक्राउ परेका छन् ।
प्रहरीले बुधवार हिजो बिहान फरार भएका सिन्धुपाल्चोक बाह्रबिसेका कमल खड्कालाई काठमाण्डौ महानगरपालिका–३२ जडीबुटीबाट आज (बिहीबार) बिहान पक्राउ गरेको हो ।
जिल्ला प्रहरी परिसर काठमाण्डौका प्रवक्ता प्रहरी उपरीक्षक कुमोद ढुङ्गेलले प्रहरी वृत्त महाराजगञ्जबाट थुनछेक बहसका लागि अदालत लैजाने क्रममा खड्का हतकडीसहित फरार भएका बताउनुभयो ।
फरार भएका खड्कालाई प्रहरी वृत्त महाराजगञ्ज र जिल्ला प्रहरी परिसर काठमाण्डौको टोलीले खोजतलास गरी फेला पारेको हो । डलर देखाएर लुटपाट गरेको अभियोगमा प्रहरीले खड्कालाई पक्राउ गरेको थियो ।
Recent News
-
November 28, 2024जुम्ला साक्षर जिल्ला घोषणा
-
November 28, 2024परराष्ट्रमन्त्री राणा आज चीनको छेन्दु जाँदै
-
November 28, 2024पुरुष तथा महिला बक्सिङ च्याम्पियनशिप खेल्न नेपाली टोली थाइल्याण्ड जाँदै
-
November 27, 2024मेडिकल व्यवसायी दुर्गा प्रसाईंको बन्दी प्रत्यक्षीकरणको रिट खारेज
