• December 12, 2023

एमालेको झुलाघाट-चिवाभञ्ज्याङ यात्रा कोशीमा प्रवेश गर्दै : यात्रा अवरोध नगर्न एमालेको अपिल

काठमाण्डौ ।  नेकपा एमालेको जारी झुलाघाट- चिवाभञ्ज्याङ यात्रा आजबाट कोशी प्रदेश प्रवेश गर्न लागेको छ ।

आज (मंगलवार)बाट कोशी प्रदेश प्रवेश गर्न लागेको एमालेले मध्य पहाडी पुष्पलाल लोकमार्ग यात्रामा अवरोध सिर्जना नगर्न आग्रह गरेको हो ।

प्रचार विभाग प्रमुख राजेन्द्र गौतमले केही समूहहरूद्वारा एमालेको अभियानलाई अवरोध गर्ने कार्यक्रम राखेकोप्रति पार्टीको ध्यानाकर्षण भएको बताउनु भएको छ । उहाँले प्रदेश बन्द, सडक बन्द लगायतका गतिविधि सार्वजनिक गर्ने भन्ने सुनेको भन्दै पार्टीका तर्फबाट सबै समूहहरूलाई अवरोध सिर्जना नगर्न आग्रह गर्नु भएको हो ।

उहाँले नेकपा एमालेको अभियान विकास र समृद्धिको अभियान भएकाले यस्ता अभियानमा अवरोध सिर्जना नगर्न र अभियानमा सहयोग पु¥याउन आग्रह गर्नुभएको छ । साथै एमालेले जनताको मुद्दालाई सम्बोधन गरेर अघि बढ्नुपर्ने अहिलेको अवस्था रहेको भन्दै राजनीतिक दलको अभियानमा अवरोध सिर्जना नगर्न र असहमति भए औपचारिक रूपमा शान्तिपूर्ण रूपमा गुनासा राख्न आग्रह गरेको छ ।

नेकपा एमालेको मध्य पहाडी पुष्पलाल लोकमार्ग यात्रा आजबाट उदयपुरको घुर्मी हुँदै खोटाङ प्रवेश गर्दैछ ।