दुई किलो सुनसहित नागढुंगाबाट तीन जना पक्राउ
काठमाण्डौ । नागढुंगाबाट दुई किलो सुनसहित तीन जनालाई प्रहरीले पक्राउ गरेको छ ।
रसुवाबाट काठमाण्डौ आउँदै गरेको गाडीबाट उपत्यका अपराध अनुसन्धान कार्यालयको टोलीले नागढुंगामा उक्त सुनसहित तीन जनालाई पक्राउ गरेको हो ।
पक्राउ पर्नेमा तीनैजना रसुवाको गोसाइँकुण्ड गाउँपालिका घर भएका २८ वर्षीय ग्याल्सेङ तामाङ, २६ वर्षीय विरु तामाङ र २१ वर्षीय सुनिल भुजेल रहेको प्रहरीले जनाएको छ । बिहीबार राती उनीहरूले रसुवागढी नाकाबाट सुन ल्याएको खुलेको छ ।
उनीहरूमाथि प्रहरीले थप अनुसन्धान गरिरहेको जनाइएको छ । गएराती त्रिभुवन अन्तर्राष्ट्रिय विमानस्थलबाट पनि १४ किलो सुनसहित दुई जना पक्राउ परेका थिए ।
Recent News
-
November 27, 2024लेबनान र इजरायलबीच युद्धविराम सम्झौता, आजैदेखि लागू हुने
-
November 27, 2024आईसीसीका प्रतिनिधिद्वारा पोखरा क्रिकेट मैदान निरीक्षण
-
November 27, 2024काठमाण्डौ उपत्यकासहित पहाडी भेगमा मौसम आंशिक बदली
-
November 26, 2024वैदेशिक रोजगारीमा विभिन्न देश पठाइदिने भन्दै ठगी गर्ने ३ जना पक्राउ
