इजरायली आक्रमणमा गाजामा मृत्यु हुनेको संख्या १६ हजार नजिक पुग्यो
इजरायली आक्रमणमा परी गाजामा मृत्यु हुनेको संख्या १६ हजार नजिक पुगेको हमासद्वारा संचालित स्वास्थ्य मन्त्रालयले जनाएको छ । बीबीसीले अहिलेसम्म थप ३ सय ४९ जनाको मृत्यु भएको जनाएको छ । मन्त्रालयले अक्टोबर ७ मा सुरु भएको इजरायल–हमास युद्धपछि गाजामा १५ हजार ८ सय ९९ जनाको मृत्यु भएको जनाएको छ ।
मृत्यु हुनेमा ७० प्रतिशत महिला र बालबालिका रहेका हमासले जनाएको छ । अक्टोबर ७ मा हमास लडाकुहरूले इजरायल प्रवेश गरी आक्रमण गर्दा १२ सय इजरायलीको मृत्यु भएको थियो । हमासले झण्डै २ सय ४० जनालाई बन्धक बनाएर गाजा फर्काएको थियो ।
लगत्तै इजरायलले हमासविरुद्ध आक्रमण सुरु गरेको थियो । इजरायलले युद्धको उद्देश्य हमासलाई गाजा पट्टीबाट हटाउनु रहेको बताएको छ । पाँचदिन अघि समाप्त भएको सात दिने अस्थायी युद्धविराममा १ सयभन्दा बढी बन्धकहरूलाई रिहा गरिएको थियो । एजेन्सी
Recent News
-
November 27, 2024काठमाण्डौ उपत्यकासहित पहाडी भेगमा मौसम आंशिक बदली
-
November 26, 2024वैदेशिक रोजगारीमा विभिन्न देश पठाइदिने भन्दै ठगी गर्ने ३ जना पक्राउ
-
November 26, 2024सिडमा लैजाने छायाँ प्रतिवेदनमाथि सञ्चारकर्मीसँग अन्तरक्रिया
-
November 26, 2024सामाजिक सुरक्षाको दायरालाई विस्तार गरिनेछ : प्रधानमन्त्री
