राष्ट्रिय आत्मविश्वास बढाउने काममा अघि बढ्न अध्यक्ष ओलीको निर्देशन
अछाम । नेकपा एमालेका अध्यक्ष केपी शर्मा ओलीले जनताका समस्या र मागलाई एमालेले सधैँ शिरोधार्य गरेर अघि बढ्ने बताउनुभएको छ ।
मध्यपहाडी यात्राको क्रममा अछामको विनायक ठाउँमा आयोजित संक्षिप्त सभालाई सम्बोधन गर्दै अध्यक्ष ओलीले नीति निर्माण गर्ने र राष्ट्रिय आत्मविश्वास बढाउने काममा अघि बढ्नुपर्नेमा जोड दिनुभयो ।
उहाँले स्थानीय तहहरूले स्थानीय जनतासँग समन्वय गरेर उनीहरूको आवश्यकता अनुसार काम गर्न निर्देशन दिनुभयो । उहाँले आफू रहे नरहे पनि देश सधैँ रहिरहन्छ भन्ने मानसिकताबाट काम गर्नुपर्नेमा समेत जोड दिनुभयो ।
अध्यक्ष ओलीले वर्तमान सरकार कुनै गन्तव्य बिनाको भएको हुनाले देशको हितका निम्ति कुनै काम गर्न नसकेको बताउनुभयो । देश विकास गर्नका निम्ति एमालेकै सरकार आवश्यक पर्ने उहाँले बताउनुभयो । यात्राको क्रममा आफूलाई दिइएका ज्ञापनपत्र र मागपत्रहरूलाई एमालेले गम्भीर रुपमा लिने बताउनुभएको छ ।
Recent News
-
November 26, 2024वैदेशिक रोजगारीमा विभिन्न देश पठाइदिने भन्दै ठगी गर्ने ३ जना पक्राउ
-
November 26, 2024सिडमा लैजाने छायाँ प्रतिवेदनमाथि सञ्चारकर्मीसँग अन्तरक्रिया
-
November 26, 2024सामाजिक सुरक्षाको दायरालाई विस्तार गरिनेछ : प्रधानमन्त्री
-
November 26, 2024चन्द्रागिरि नगरपालिकाद्वारा युवालाई डिजिटल तालिम
