देशको अवस्था बिग्रिँदै गइरहेको अवस्थामा एमालेले टुलुटुलु हेरेर बस्दैन : अष्टलक्ष्मी शाक्य
काठमाण्डौ । नेकपा एमालेकी उपाध्यक्ष अष्टलक्ष्मी शाक्यले देशको अवस्था झन् बिग्रिँदै गइरहेको अवस्थामा एमालेले टुलुटुलु हेरेर बस्न नसक्ने बताउनुभएको छ ।
उपाध्यक्ष शाक्यले संघीयता र गणतन्त्रको रक्षाको लागि सबै एकजुट हुनुपर्ने बताउनुभयो । उहाँले संघीयता र गणतन्त्रको रक्षाको लागि राजनीतिक कोर्स परिवर्तन आवश्यक रहेको बताउनुभएको छ ।
‘हामीले त देशको स्थितिलाई नै ख्याल गरेर यसरी चल्दैन भनेर राजनीतिक कोर्स परिवर्तनको प्रयास गरेको थियौं । अहिले एमालेलाई अलग राखेर भागवण्डा र कुर्सीमा केन्द्रित छन् । सत्तामा पुगेकाहरुले स्वार्थ हेर्नेभन्दा अरु कुनै काम गरेका छैनन्।’ उपाध्यक्ष शाक्यले भन्नु भएको हो ।
उहाँले भन्नुभयो, ‘देशको अवस्था बिग्रिँदै जाँदा एमालेले टुलुटुलु हेरेर बस्दैन। सत्ता परिवर्तनको खेलमा नयाँ ढंगले जानुपर्छ भन्ने सोचेर कांग्रेससँग पनि कुरा गरेका हौं। कोशी सरकार गठनपछि हामीले केही प्रयास गरेका थियौं। सकेनौं । अहिले हाम्रो ध्यान त्यतातर्फ छैन ।’
Recent News
-
November 26, 2024डिडिसी सुधारको नतिजा चाँडै देखिने : कृषिमन्त्री अधिकारी
-
November 26, 2024मिडिया काउन्सिल लगायतका विधेयक पास गर्ने तयारीमा छलफल : मन्त्री गुरुङ
-
November 26, 2024काठमाण्डौ उपत्यकासहित देशका विभिन्न शहरमा वायु प्रदूषण बढ्दै
-
November 26, 2024सुनको मुल्य २ दिनमा १८ हजार ५ सय रुपैयाँले घट्यो
