नेकपा एमालेले आज चियापान तथा शुभकामना आदानप्रदान कार्यक्रम गर्दै
काठमाण्डौ । नेकपा एमालेले आज चियापान तथा शुभकामना आदानप्रदान कार्यक्रम गर्ने भएको छ ।
आज (बुधबार) एमालेको केन्द्रीय कार्यालय च्यासलमा पार्टीका अध्यक्ष तथा पूर्वप्रधानमन्त्री केपी ओलीको तर्फबाट दसैँ, तिहार, छठलगायत पर्वहरूको अवसरमा चियापान तथा शुभकामना आदानप्रदान कार्यक्रम राखिएको एमालेले जनाएको छ । आज दिउँसो १२ बजेबाट सुरु हुने कार्यक्रम साँझसम्म सञ्चालन हुने एमालेले बताएको छ ।
तत्कालीन एमालेका अध्यक्ष मनमोहन अधिकारीले सुरु गर्नुभएको कार्यक्रमलाई एमालेले हरेक वर्ष निरन्तरता दिँदै आएको छ । अध्यक्ष ओलीले सामाजिक सञ्जाल फेसबुक मार्फत् चियापान कार्यक्रममा उपस्थित हुन आह्वान गर्नु भएको थियो ।
चियापान तथा शुभकामना आदानप्रदान कार्यक्रमका लागि एमालेले प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवासहित विभिन्न क्षेत्रका व्यक्तित्वलाई निमन्त्रणा पठाएको छ ।
Recent News
-
November 25, 2024प्रधानमन्त्री ओलीको नजरमा एनपिएलका आठ मार्की खेलाडी
-
November 25, 2024नेप्से परिसूचक दोहोरो अङ्कले बढ्यो
-
November 25, 2024दृष्टिविहीन विश्वकप क्रिकेट : नेपालद्वारा अफगानिस्तान पराजित
-
November 25, 2024काभ्रेको भुम्लुमा लालपुर्जाको समस्या रहेका बासिन्दासँग पुनः निवेदन माग
-
November 25, 2024चीन भ्रमणमा ऋणसम्बन्धी कुनै सम्झौता हुँदैन : प्रधानमन्त्री
