टी–२० विश्व कप एसिया क्षेत्र छनोट : नेपालले भोलि सिङ्गापुरसँग खेल्ने
काठमाण्डौ । टी–२० विश्व कप एसिया क्षेत्र छनोट प्रतियोगिताको खेल तालिका सार्वजनिक भएको छ ।
त्रिवि क्रिकेट मैदान कीर्तिपुर र मूलपानी क्रिकेट मैदानमा हुने छनोट प्रतियोगिता भोलिदेखि आउँदो १९ गतेसम्म आयोजना हुँदैछ ।
नेपाल क्रिकेट सङ्घ क्यानले सार्वजनिक गरेको खेल तालिका अनुसार नेपालले आफ्नो पहिलो खेल भोलि सिङ्गापुरसँग खेल्ने भएको छ । नेपालले दोस्रो खेल कात्तिक १४ गते मलेसिया र तेस्रो खेल कात्तिक १६ गते ओमानसँग खेल्नेछ ।
नेपाल रहेको समूह ’ए’ मा सिङ्गापुर, ओमान र मलेसिया छन् । समूह ’बी’ मा यूएई, बहराइन, हङकङ र कुवेत छन् । यस छनोटको फाइनल पुग्ने दुई टोलीले अर्को वर्ष अमेरिका र वेस्ट इन्डिजमा आयोजना हुने टी–२० विश्व कप खेल्न पाउने छन् ।
नेपालले छनोटका लागि रोहित कुमार पौडेलको कप्तानीमा १५ सदस्यीय टोलीको घोषणा गरिसकेको छ ।
Recent News
-
November 25, 2024प्रधानमन्त्री ओलीको नजरमा एनपिएलका आठ मार्की खेलाडी
-
November 25, 2024नेप्से परिसूचक दोहोरो अङ्कले बढ्यो
-
November 25, 2024दृष्टिविहीन विश्वकप क्रिकेट : नेपालद्वारा अफगानिस्तान पराजित
-
November 25, 2024काभ्रेको भुम्लुमा लालपुर्जाको समस्या रहेका बासिन्दासँग पुनः निवेदन माग
-
November 25, 2024चीन भ्रमणमा ऋणसम्बन्धी कुनै सम्झौता हुँदैन : प्रधानमन्त्री
