नेकपा एमाले प्रदेश अधिवेशन : मधेशमा पदाधिकारी सर्वसम्मत
काठमाण्डौ । नेकपा एमाले मधेस प्रदेशको अध्यक्षमा चण्डेश्वर मण्डलसहित पाँच जना पदाधिकारी सर्वसम्मत चयन भएका छन् । मण्डल सिराहाका जिल्ला अध्यक्ष हुनुहुन्छ । उपाध्यक्षमा संविधानसभा सदस्य पर्साका विचारी यादव, सचिवमा बाराका मनोज पौडेल, उपसचिवमा आरती भण्डारी (रौतहट ) र मोहम्मद कैस (धनुषा) चयन हुनुभएको छ ।
अध्यक्षसहित पाँचजना पदाधिकारको नाममा सहमति जुटेको एमालेका मधेस प्रदेश संसदीय दलका नेता सरोजकुमार यादवले जानकारी दिनुभयो । निर्वाचन प्रक्रियाले उहाँहरूको नाम अनुमोदन गर्ने यादवको भनाइ छ ।
जनकपुरधाममा अस्ति (बुधबार)देखि जारी एमालेको प्रथम अधिवेशनमा हिजो (बिहीबार ) बिहानदेखि बन्दसत्रमा सर्वसम्मत रूपमा नेतृत्व चयन गर्ने तयारीपछि पार्टी अध्यक्ष केपी शर्मा ओलीको समेत सहमतिमा पदाधिकारीहरू सर्वसम्मत चयन भएका हुन् ।
अहिले पदाधिकारीसहित सदस्यहरूमा मनोनयन दर्ता भइरहेको छ । सकेसम्म सदस्यसहित पदाधिकारी चयन गरेरै नयाँ नेतृत्वको घोषणा गर्ने एमालेको तयारी छ ।
Recent News
-
November 25, 2024छोराद्वारा बुबाको हत्या
-
November 25, 2024माडागास्करको तटमा २ वटा डुङ्गा पल्टिँदा २४ जनाको ज्यान गयो
-
November 25, 2024इमरान खानको रिहाइको माग गर्दै पाकिस्तानमा प्रदर्शन
-
November 25, 2024फिलिपिन्सको राजधानीमा भीषण आगलागी हुदा २ हजार परिवार घरबारविहीन
-
November 25, 2024नेपाल प्रिमियर लिगको ट्रफी सार्वजनिक
