नेपाल एअरलाइन्सको जहाज नेपालीहरुको उद्धारका लागि इजरायल जाँदै
काठमाण्डौ । इजरायलमा रहेका नेपालीको उद्धारका लागि नेपाल वायु सेवा निगम (नेपाल एअरलाइन्स) को जहाज आज राति ११ बजे त्यसतर्फ जाने भएको छ ।
नेपाल एअरलाइन्सको जहाज आज राति ११ बजे उड्ने र दुबई ‘ट्रान्जिट’ हुँदै इजरायल पुग्ने परराष्ट्रमन्त्री नारायणप्रकाश (एनपी) साउदका प्रमुख स्वकीय सचिव दीपक जोशीले जानकारी दिनुभयो ।
यही असोज २० गते इजरायलको दक्षिण क्षेत्र किबुज अलुमिया भन्ने ठाउँमा प्यालेस्टिनी विद्रोही समूह हमासको आक्रमणमा परि ‘लर्न एन्ड अर्न’ कार्यक्रमअन्तर्गत इजरायल गएकामध्ये १० जना नेपाली विद्यार्थी मारिएका थिए । आक्रमणमा परेर सम्पर्कविहीन भएका कञ्चनपुर महेन्द्रनगरका बिपिन जोशीको खोजी भइरहेको छ ।
दूतावासले आज (बुधबार) बिहान परराष्ट्र मन्त्रालयलाई अस्पतालहरूमा खोजी गर्दा बिपिन फेला नपरेका र खोजीका लागि इजरायली प्रहरीको सहयोग मागिएको जानकारी गराएको छ ।
Recent News
-
January 21, 2025परराष्ट्रमन्त्री आरजु राणा देउवाद्वारा अमेरिकी विदेशमन्त्रीलाई बधाई
-
January 21, 2025राष्ट्रपतिद्वारा माघ १८ गते संसद् अधिवेशन आह्वान
-
January 21, 2025तनहुँको बेलभञ्ज्याङमा मोटरसाइकल दुर्घटना हुँदा दुई जनाको मुत्यु
-
January 21, 2025सुनको मुल्य १ हजार १ सय रुपैयाँले बढ्यो
