सञ्चो अस्पताल घटनामा थप एक जना पक्राउ
काठमाण्डौ । जिल्लाको हेटौंडा उपमहानगरपालिका–१ स्थित भिन्तुनापथमा सञ्चो अस्पतालका डाक्टरलाई कुटपिट गरिएको घटनामा संलग्न रहेका मध्ये थप एक जनालाई प्रहरीले पक्राउ गरेको छ ।
प्रहरीले हेटौंडा–१२, सिग्रेनीका ३६ वर्षीय जीवन लामालाई हेटौंडा–१५, रातोमाटेबाट हिँडिरहेको अवस्थामा पक्राउ गरेको हो । यसअघि हेटौंडा–१२, सिग्रेनी कै सुनिल पाख्रिन, रमा प्रधान, रमिला प्रधान, रोहन प्रधान र अनुप प्रधानलाई पक्राउ गरेको थियो ।
जिल्ला अदालतले पक्राउ परेकाबाहेक घटनामा संलग्न थप ५ जनाको नाममा आइतबार पक्राउ पुर्जी जारी गरेको थियो । पक्राउ पुर्जी जारी भएका मध्ये २ जना पक्राउ परे भने अन्य ३ जनाको खोजी कार्य भइरहेको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिनुभयो ।
गत साता बुधबार हेटौंडा–१ स्थित सञ्चो हस्पिटलमा बिरामीको उपचार गरिरहेका चिकित्सक जनरल फिजिसियन डा. विकास थापा र एनेस्थेसिया डा. प्रशान्त विडारीमाथि सांघातिक आक्रमण भएको थियो ।
Recent News
-
November 24, 2024चितवन राष्ट्रिय निकुञ्जमा आउने पर्यटकको सङ्ख्या घटयो
-
November 24, 2024नेपालले शान्ति स्थापनामा हासिल गरेको उपलब्धि अनुकरणीय छ : सभामुख
-
November 24, 2024उपनिर्वाचनका लागि सेना परिचालन गर्न राष्ट्रपतिको स्वीकृति
-
November 24, 2024राष्ट्रपतिद्वारा प्रतिनिधि सभाका सचिव अधिकारीको राजीनामा स्वीकृत
-
November 24, 2024मेडिकल कलेजमा पिजीको विवाद मिलाउन प्रधानमन्त्री ओलीको निर्देशन
-
November 24, 2024भारतले अस्ट्रेलियालाई दियो ५ सय ३४ रनको लक्ष्य दियो