राष्ट्रसङ्घले प्रस्ताव गरेको बीबीएनजे सम्झौतामा नेपालले गर्यो हस्ताक्षर
काठमाण्डौ । नेपालले ‘वायो डाइभर्सिटी वियोण्ड नेशनल जुरिडिक्सन’ (बीबीएनजे) सम्बन्धी सम्झौतामा हस्ताक्षर गरेको छ ।
संयुक्त राष्ट्र सङ्घको ७८औँ महासभामा भाग लिन न्युयोर्क पुग्नुभएका परराष्ट्रमन्त्री एनपी साउदले राष्ट्रसङ्घले प्रस्ताव गरेको यो सम्झौतामा हस्ताक्षर गर्नुभएको हो ।
राष्ट्र सङ्घको मुख्यालय न्युयोर्कमा हिजो (बुधवार) आयोजित समारोहमा नेपालको तर्फबाट मन्त्री साउदले हस्ताक्षर गर्नुभएको हो । अतिकम विकसित देशबाट यो सम्झौतामा हस्ताक्षर गर्ने नेपाल एक हस्ताक्षरकर्ता देश बनेको छ ।
यो सम्झौताले खासगरी पृथ्वीमा समुद्र र जमिनको भूभाग ३०/३० प्रतिशत कायम गर्ने अवधारणालाई प्रभावकारीरुपमा कार्यान्वयन गर्नेछ । सन् २०३० सम्ममा यो सम्झौता लागू गरिसक्ने राष्ट्रसङ्घले जनाएको छ ।
यो सम्झौतामा विश्वभरिका राष्ट्रलाई सन् २०२३ को सेप्टेम्बर २० देखि सन् २०२५ को सेप्टेम्बर २० सम्म हस्ताक्षर गर्ने समय सीमा दिइएकोमा नेपालले भने यो सम्झौता हस्ताक्षर गर्ने दिनमा नै हस्ताक्षर गरेको हो।
Recent News
-
November 24, 2024कर्णाली नदीको सङ्गमस्थल
-
November 24, 2024२ युवतीद्वारा आत्महत्या
-
November 24, 2024भारतीय स्थल सेनाध्यक्ष पाँच दिने नेपाल भ्रमण सकेर स्वदेश फिर्ता
-
November 24, 2024फोहोर व्यवस्थापनको विषयमा राजनीति नगरौँ : उपप्रधानमन्त्री सिंह
-
November 24, 2024काठमाण्डौको सिनामङ्गलमा १ दम्पती मृत भेटिए
