• September 16, 2023

काठमाण्डौमा खुकुरी प्रहार गरि ४ जनाको हत्या : अनुसन्धान चल्दै

काठमाण्डौ । काठमाण्डौ महानगरकोे तीनकुने स्थित गैह्रीगाउँमा गएराति चार जनाको शव फेला परेको छ ।

दिव्य फर्निचर मिलभित्र एकै परिवारका तीनसहित चार जनाको शव भेटिएको काठमाण्डौ उपत्यका प्रहरी कार्यालयका प्रवक्ता, प्रहरी वरिष्ठ उपरीक्षक दिनेशराज मैनालीले बताउनु भएको छ ।

धारिलो हतियार प्रहार गरी हत्या गरिएको अवस्थामा चार वटा शव फेला परेको मैनालीको भनाई छ । हत्या हुनेमा दुई महिला र दुई पुरुष रहेका छन् । दोलखा घर भएका कुमार भुजेल, उहाँकी श्रीमती अम्बिका र कुमारकी आमा शुभद्रा भुजेल तथा मोरङ घर भएका नवीन राईको शव भेटिएको प्रहरीले जनाएको छ ।

अहिले घटनास्थलमा प्रहरी परिचालन गरी थप अनुसन्धान भइरहेको पनि उपत्यका प्रहरी कार्यालयका प्रवक्ता, प्रहरी वरिष्ठ उपरीक्षक मैनालीले जानकारी दिनुभयो ।

मैनालीका अनुसार घटनाको अनुसन्धानका लागि काठमाण्डौको तीनकुने बस्ने २८ वर्षीय दीपेन्द्र राईलाई सोधपुछका लागि पक्राउ गरिएको छ ।

घटनाको अनुसन्धानका लागि तालिमप्राप्त प्रहरी र कुकुरको समेत परिचालन गरिएको छ । घटना राति १२ बजेतिर भएको हुन सक्ने अनुमान गरिएको छ ।