मौसम खबर : मधेश र कोशी प्रदेशको तराई भू-भागमा हावाहुरीको सम्भावना
काठमाण्डौ । हाल नेपालमा मनसुन सक्रिय नरहेकाले तत्काल ठूलो पानी पर्ने सम्भावना नरहेको मौसमविद्ले बताएका छन् । मनसुनको न्यून चापीय रेखा सरदर स्थानको दक्षिणतिर अवस्थित रहेको छ ।
अहिले कोशी र बागमती प्रदेशको थोरै स्थानमा हल्का वर्षा भइरहेको मौसम पूर्वानुमान महाशाखाले बताएको छ ।
दिउँसो बागमती, गण्डकी र लुम्बिनी प्रदेशका थोरै स्थानहरू तथा बाँकी प्रदेशका एक दुई स्थानमा मेघ गर्जन र चट्याङ्गसहित हल्का देखि मध्यम वर्षाको सम्भावना रहेको मौसमविद् गंगा नगरकोटीले बताउनु भएको छ ।
साथै उहाँले मधेश प्रदेश र कोशी प्रदेशको तराई भू-भागका थोरै स्थानहरुमा हावाहुरीको सम्भावना रहेको समेत बताउनु भएको हो ।
यस्तै आज राती भने कोशी, गण्डकी र कर्णाली प्रदेशका थोरै स्थानहरूमा तथा बाँकी प्रदेशका एक दुई स्थानमा मेघ गर्जन र चट्याङ्गसहित हल्का देखि मध्यम वर्षाको सम्भावना रहेको नगरकोटीको भनाई छ ।
साथै मधेश प्रदेश र कोशी प्रदेशको तराई भू-भागका थोरै स्थानहरुमा हावाहुरीको सम्भावना रहेको छ ।
Recent News
-
November 24, 2024भारतको महाराष्ट्रमा सत्तारुढ भाजपा नेतृत्वको गठबन्धनलाई अत्यधिक बहुमत
-
November 24, 2024आजदेखि धरहरा चढ्न शुल्क तिर्नुपर्ने
-
November 24, 2024कोप २९ : गरिब देशलाई वर्षेनि ३ सय विलियन डलर दिन धनी देशहरु सहमत
-
November 24, 2024सुनको मुल्य आज एकैदिन तोलामा १ हजार ७ सय रुपैयाँले बढ्यो
