आईसीसी महिला टी-२० विश्वकप छनोटमा नेपालसँग बहराइन पराजित
काठमाण्डौ । आईसीसी महिला टी–२० विश्वकप एसिया क्षेत्र छनोटमा नेपालसँग बहराइन पराजित भएको छ । ्
मलेसियाको क्वालालम्पुरमा आज भएको खेलमा नेपालले बहराइनलाई १० विकेटले हराएको हो ।
बहराइनले दिएको ३२ रनको सामान्य लक्ष्य नेपालले कुनै पनि विकेट नगुमाई २ ओभर ५ बलमै पूरा गरेको हो ।
नेपालका लागि कविता कुँवरले १७ र सीता राना मगरले २ रन बनाइन् ।
टस जितेर पहिला ब्याटिङ रोजेको बहराइन १५ ओभर ४ बलमा ३१ रनमै अलआउट भयो । बहराइनका लागि रसन्गिका हेरथले सर्वाधिक ११ रन बनाइन् ।
बलिङतर्फ नेपालका इन्दु बर्माले ३, खुशी डङ्गोलले २ तथा कविता कुँवर, पूजा महतो र रुबिना क्षेत्रीले १/१ विकेट लिइन् । बहराइनका दुई जना खेलाडी रन आउट भए ।
लगातार दोस्रो जितसँगै नेपालले सेमिफाइनल सम्भावना बलियो बनाएको छ ।
हिजो बिहीवार भएको पहिलो खेलमा नेपालले मलेसियालाई ५ रनले हराएको थियो ।
Recent News
-
November 24, 2024धरहरा व्यवसायिक रूपमा खुला , आजदेखि शुल्क तिरेर चढ्न पाइने
-
November 24, 2024भारतको महाराष्ट्रमा सत्तारुढ भाजपा नेतृत्वको गठबन्धनलाई अत्यधिक बहुमत
-
November 24, 2024साविक विजेता सीटी टोटनह्यामसँग पराजित, चेल्सी र आर्सनल विजयी
-
November 24, 2024काठमाण्डौमा आज ३ वटा शव भेटिए
-
November 23, 2024
अबदेखि धरहरा चढ्न दुई सय रुपैयाँ तिर्नुपर्ने
