एसिया कपमा सहभागी हुन सन्दीप लामिछाने पाकिस्तान प्रस्थान
काठमाण्डौ । पाकिस्तान र श्रीलंकामा आयोजना हुने एसिया कप क्रिकेट खेल्नका लागि क्रिकेटर सन्दीप लामिछाने पाकिस्तान प्रस्थान गरेका छन् ।
आज बिहान लामिछाने कतारको दोहा हुँदै पाकिस्तान पुग्ने नेपाल क्रिकेट संघ (क्यान)ले जनाएको छ ।
भदौ १३ देखि ३१ गतेसम्म पाकिस्तान र श्रीलंकामा आयोजना हुने उक्त प्रतियोगितामा सहभागिता जनाउन जाने नेपाली टोली भदौ ५ गते राति पाकिस्तान प्रस्थान गरिसकेको छ ।
हिजो (आइतबार) अन्तिम सुनुवाइ हुने भनिएको लामिछानेको मुद्दा हेर्न नभ्याउनेमा परेपछि उनी आज पाकिस्तान गएका हुन् । लामिछानेको अर्को पेसी भदौ २१ गते तोकिएको छ ।
नेपालले पहिलो पटक एसिया कप खेल्न लागेको हो । एसिया कपको उद्घाटन खेलमा नेपाले पाकिस्तानसँग खेल्ने छ । त्यस्तै भारतसँगको दोस्रो खेल श्रीलंकामा खेल्नेछ ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
