महिला टी–२० शृङ्खला : उपाधिका लागि नेपाल र हङकङ खेल्दै
काठमाण्डौ । महिला टी–२० क्रिकेट शृङ्खलाको उपाधिका लागि नेपालले हङकङसँग सामना गर्दै छ । आज (शनिबार) मलेसियाको बायोमास ओभलमा हुने खेलमा नेपाल र हङकङ खेल्दैछन् ।
४ देशीय महिला टी–२० क्रिकेट शृङ्खलाको उपाधिका लागि आज फाइनल खेल हुन लागेको हो । खेल बिहान पौने १२ बजे शुरु हुनेछ ।
यो शृङ्खलामा नेपालसहित घरेलु टोली मलेसिया, हङकङ र कुवेत सहभागी छन् । नेपाल हिजो घरेलु टोली मलेसियासँग पराजित भए पनि नेटरनरेटको कारण शीर्षस्थानमा रहँदै फाइनलमा पुगेको हो ।
समूहको अन्तिम खेलमा नेपाल मलेसियासँग ६ विकेटले पराजित भएको थियो । नेपालले कुवेत र हङकङलाई हराएको थियो ।
हङकङ पनि मलेसियाभन्दा नेटरनरेटमा अघि रहँदै फाइनलमा पुग्यो । तेस्रो स्थानका लागि आज नै मलेसिया र कुवेतबीच प्रतिस्पर्धा हुनेछ ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
