कोशी प्रदेश : सरकार गठनका लागि दाबी पेश गर्ने समय आज सकिँदै, एमालेले दाबी गर्ने तयारी
काठमाण्डौ । कोशी प्रदेशमा नयाँ सरकार गठनका लागि दाबी पेश गर्ने समय आज आज अपराह्न ५ बजे सकिँदैछ ।
सर्वोच्च अदालतले मुख्यमन्त्री पदमा उद्धव थापाको नियुक्ति बदर गरेर नयाँ सरकार गठन गर्न परमादेश दिएपछि प्रदेश प्रमुख परशुराम खापुङले नयाँ सरकार गठनको आह्वान गर्नु भएको थियो । संविधानको धारा १६८ को उपधारा २ अनुसार प्रमुख खापुङले सरकार गठनका लागि समय दिनु भएको हो ।
यसैबीच नेकपा एमाले कोशी प्रदेशका सांसद रोहित बहादुर कार्कीका अनुसार प्रदेश सरकारमा एमालेले दाबी पेश गर्ने तयारी रहेको बताउनुभएको छ ।
यस्तै सत्तारुढ गठबन्धनले सभामुख बाबुराम गौतमलाई राजीनामा गराएर सरकारको नेतृत्वमा दाबी गर्ने तयारी गरेको छ ।
कोशी प्रदेशमा कांग्रेस नेतृत्वको गठबन्धनसँग सभामुख बाहेक ४६ सांसद छन् भने सत्तारुढ इतर रहेका नेकपा एमालेसँग ४० तथा राप्रपासँग ६ जना सांसद रहेका छन् । सरकार बनाउन ४७ मत आवश्यक पर्ने भएपछि कोशी सरकार गठनमा समस्या देखा परेको छ ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
