कोशी प्रदेशको मुख्यमन्त्रीमा दाबी पेस गर्न प्रदेश प्रमुखको आह्वान
काठमाण्डौ । कोशी प्रदेशको मुख्यमन्त्रीका लागि आउँदो मङ्गलवार बेलुका पाँच बजेभित्र दाबी पेस गर्न आह्वान भएको छ ।
प्रदेश प्रमुख परशुराम खापुङले आउँदो १६ गते बेलुका पाँच बजेभित्र संविधानको धारा १६८ (२) अनुसार दुई वा दुईभन्दा बढी दलको समर्थनमा बहुमत प्राप्त गर्न सक्ने प्रदेश सभा सदस्यलाई मुख्यमन्त्रीमा दाबी पेस गर्न आह्वान गर्नुभएको प्रदेश प्रमुखको कार्यालयले जनाएको छ ।
कार्यालयका प्रवक्ता नरेन्द्रकुमार श्रेष्ठले निकाल्नुभएको विज्ञप्तिमा सर्वोच्च अदालतको आदेश बमोजिम जुन बिन्दुबाट संविधानको प्रयोग र पालनामा त्रुटि भएको हो त्यही अवस्थाबाट प्रक्रिया अघि बढाउन लागिएको उल्लेख छ ।
सर्वोच्च अदालतले हिजो बिहीवार मुख्यमन्त्रीमा उद्धव थापाको नियुक्ति बदर गर्नुका साथै संविधानको धारा १६८ (२) अनुसार १७ गते भित्र मुख्यमन्त्री नियुक्त गरिसक्न परमादेश दिएको थियो ।
Recent News
-
November 21, 2024शेयर बजार ३१ अङ्कले घटेयो
-
November 21, 2024दैलेखको दुल्लूमा बोक्सीको आरोपमा १ जनाको हत्या
-
November 21, 2024एसिसी यु–१९ एसिया कपमा नेपालले जित्यो
-
November 21, 2024जनताले महसुस हुने गरी काम गर्न कडा निर्देशन : प्रधानमन्त्रीओली
